Autour des monts Pyrennees grans amas

   De gent estrange scourir Roy nouveau

   Pres de Garonne du grand temple du Mas,

   Un Romain chef le craindra dedans l'eau.

   En l'an cinq cens octante plus & moins,

   On attendra le siecle bien estrange:

   En l'an sept cens, & trois cieux en tesmoings,

   Que plusieurs regnes un à cinq feront change.

   Fleuve qu'esprouve le nouveau naty Celtique,

   Sera en grande de l'Empire discorde:

   Le ieune Prince par gent Ecclesiastique,

   Ostera le sceptre coronal de concorde.

   Le Celtiq fleuve changera de rivage,

   Plus ne tiendra la cité d'Agripine,

   Tout transmué ormis le vieil langage,

   Saturne, Leo, Mars, Cancer en rapine.

   Si grand famine par unde pestifiere,

   Par pluye longue le long du polle arctique,

   Samatobryn cent lieu de l'hemisphere,

   Vivront sans loy exempt de pollitique.

   Apparoistra vers le Septentrion,

   Non loing de Cancer l'Estoille cheveluë:

   Suse, Sienne, Boëce, Eretrion,

   Mourra de Rome grand, la nuit disparuë.

   Norneige & Dace, & l'isle Britanique,

   Par les unis freres seront vexes,

   Le chef Romain issu de sang Gallique

   Et les copies aux forests repoulsees.

   Ceux qui estoient en regne pour sçavoir,

   Au Roial change deviendront apouvris:

   Uns exilez sans apuy, or n'avoir,

   Lettrez & lettre ne seront à grand pris.

   Aux sacrez temples seront faicts escandales,

   Comptez seront par honneur & loüangese,

   D'un que on grave d'argent, d'or les medall

   La fin sera en tormens bien estranges.

   Un peu de temps les temples des couleurs

   De blanc & noir des deux entremeslee:

   Rouges & iaunes leur embleront les leurs,

   Sang, terre, peste, feu d'eau affollee.

   Des sept rameaux à trois seront reduicts,

   Les plus aisnez seront surprins par mort,

   Fratricidez les deux seront seduicts,

   Les coniurez en dormans seront morts.

   Dresser copies ponur monter à l'Empire,

   Du Vatican le sang Royal tiendra:

   Flamans, Anglois, Espagne avec Aspire,

   Contre l'Italie & France contendra.

   Un dubieux ne viendra loing du regne,

   La plus grand part le voudra soustenir,

   Un capitole ne voudra point qu'il regne,

   Sa grande charge ne pourra maintenir.

   Loing de sa terre Roy perdra la bataille,

   Prompt eschappé poursuivry suivant prins,

   Ignare prins soubs la doree maille,

   Soubs fainct habit & l'ennemy surprins.

   Dessoubs la tombe sera trouvé le Prince,

   Qu'aura le pris par dessus Nuremberg,

   L'Espaignol Roy en Capricorne mince,

   Fainct & trahy par le grand Vuitemberg.

   Ce que ravy sera du ieune Milve,

   Par les Normans de France & Picardie,

   Les noirs du temple du lieu de Negrisilve,

   Feront aulberge & feu de Lombardie.

   Apres les limes bruslez les asiniers,

   Contraints seront changer habits divers,

   Les Saturnins bruslez par les meusniers,

   Hors la pluspart qui ne sera couvers.

   Par les Phisiques le grand Roy delaissé,

   Par sort non art de l'Ebrien est en vie,

   Luy & son genre au regne hault poussé,

   Grace donnee à gent qui Christ envie.

   La vraye flamme engloutira la dame,

   Que voudra mettre les Innocens à feu,

   Pres de l'assaut l'exercite s'enflamme,

   Quant dans Seville monstre en boeuf sera veu.

   L'union faincte sera peu de duree,

   Des uns changez reformez la pluspart,

   Dans les vaisseaux sera gent enduree,

   Lors aura Rome un nouveau liepart.

   Quant ceux du polle artiq unis ensemble,

   En Orient grand effrayeur & crainte,

   Esleu nouveau, soustenu le grand tremble.

   Rodes, Bisance de sang Barbare taincte.

   Dedans la terre du grand temple Celique,

   Nepveu à Londres par paix faincte meurty,

   La barque alors deviendra scismatique,

   Liberté faincte sera au corn. et cry.

   D'esprit de regne musnimes descriées,

   Et seront peuples esmeuz contre leur Roy,

   Paix faict nouveau, sainctes loix empirees,

   Rapis onc fut en si tresdur arroy.

   Mars & le sceptre se trouvera conioinct,

   Dessoubs Cancer calamiteuse guerre,

   Un peu apres sera nouveau Roy oingt,

   Qui par longtemps pacifiera la terre.

   Par Mars contraire sera la monarchie,

   Du grand pescheur en trouble ruyneux,

   Ieune roy rouge prendra la hierarchie.

   Les proditeurs iront iour bruyneux.

   Quatre ans le siege quelque peu bien tiendra,

   Un surviendra libidineux de vie,

   Revenne & Pyse, Veronne soustiendront,

   Pour eslever la croix de Pape envie.

   Dedans les Isles de cinq fleuves à un,

   Par le croissant du grand Chyren Selin,

   Par les bruynes de l'air fureur de l'un,

   Six eschapez, cachez fardeaux de lyn.

   Le grand Celtique entrera dedans Rome,

   Menant amas d'exilez & bannis:

   Le grand pasteur mettra à mort tout homme

   Qui pour le coq estoyent aux Alpes unis.

   Le vefve saincte entendant les nouvelles,

   De ses rameaux mis en perlex & trouble:

   Qui sera duict appaiser les querelles,

   Par son pourchas des razes sera comble.

   Par l'apparence de saincte saincteté,

   Sera trahy aux ennemis le siege:

   Nuict qu'on cuidoit dormir en seureté,

   Pres de Braban marcheront ceux de Liege.

   Roy trouvera ce qu'il desiroit tant,

   Quandt le Prelat sera reprins à tort;

   Responce aux Duc le rendra mal content,

   Qui dans Milan mettra plusieurs à mort.

   Par trahison de verges à mort battu,

   Prins surmonté sera par sonh desorbre,

   Conseil frivole au grand captif sentu,

   Nez par fureur quant Berich viendra mordre.

   Sa main derniere par Alus sanguinaire,

   Ne se pourra par la mer guarentir:

   Entre deux fleuves craindre main militaire,

   Le noir l'ireux le fera repentir.

   De feu volant la machination,

   Viendra troubler au grand chef assiegez:

   Dedans sera telle sedition,

   Qu'en desespoir seront les profligez.

   Pres de Rion, & proche à blanche laine,

   Aries, Taurus, Cancer, Leo, la Vierge,

   Mars, Iupiter, le Sol ardra grand plaine,

   Bois & citez lettres cachez au cierge.

   Ne bien ne mal par bataille terrestre,

   Ne parviendra aux confins de Perousse:

   Rebelle Pise, Florence voit mal estre,

   Roy nuict blessé sur mulet à noire housse.

   L'oeuvre ancienne se parachevera,

   Du toict chera sur le grand mal ruyne:

   Innocent faict mort on accusera,

   Nocent caché, taillis à la bruyne.

   Aux profligez de paix les ennemis,

   Apres avoir l'Italie superee,

   Noir sanguinaire, rouge sera commis,

   Feu, sang verser, eau de sang coloree.

   L'enfant du regne par paternelle prinse,

   Expolier sera pour delivrer:

   Aupres du lac Trasimen l'azur prinse,

   La troupe hostager par trop fort s'enyvrer.

   Grand de Magonce pour grande soif estaindre,

   Sera privé de sa grand'dignité:

   Ceux de Cologne si fort se viendront plaindre,

   Que le grand groppe au Rhin sera ietté.

   Le second chef du regne d'Annemarc,

   Par ceux de Frize & l'isle Britanique,

   Fera despendre plus de cent mille marc,

   Vain esploicter voyage en Italique.

   A Logmyon sera laissé le regne,

   Du grand Selin, qui plus fera de faict:

   Par les Itales estandra son enseigne,

   Regi sera par prudent contrefaict.

   Long temps sera sans estre habitée,

   Où Seine et Marne autour vient arrouser,

   De la Tamise et martiaux temptée,

   De ceux les gardes en cuidant repousser.

   De nuict par Nantes Lyris apparoistra,

   Des arts marins susciteront la pluye:

   Arabiq gouffre grand classe parfondra,

   Un monstre en Saxe naistra d'ours & truye.

   Le gouverneur du regne bien sçavant,

   Ne consentir voulant au faict Royal:

   Mellile classe par le contraire vent

   Le remettra à son plus desloial.

   Un iuste sera en exil renvoyé,

   Par pestilence aux confins de Nonseggle,

   Response au rouge la fera desvoyé,

   Roy tirant à la Rane & à l'Aigle.

   Entre deux monts les deux grands assemblez

   Delaisseront leur simulté secrette,

   Brucelle & Dolle par Langres accablez,

   Pour à Malignes executer leur peste.

   La saincteté trop fainte & seductive,

   Accompagné d'une langue discrete:

   La cité veille, & Parme trop hastive,

   Florence & Sienne rendront plus desertes.

   De la patrie de Mammer grand Pontife,

   Subiuguera les confins du Danube:

   Chasser les crois, par fer raffe ne riffe,

   Captifs, or, bagues plus de cent milles rubes.

   Dedans le puys seront trouvez les os,

   Sera l'inceste commis par la maratre:

   L'estat 4 changé, on querra bruit & los,

   Et aura Mars attendant pour son astre.

   Peuple assemblé, voir nouveau expectacle,

   Princes & Roys par plusieurs assistans,

   Pilliers faillir, murs, mais comme miracle

   Le Roy sauvé & trente des instans.

   En lieu du grand qui sera condamné,

   De prison hors, son amy en sa place:

   L'espoir Troyen en six mois ioins mort né,

   Le Sol à l'urne seront peins fleuve en glace.

   Le grand Prelat Celtique à Roy suspect,

   De nuict par cours sortira hors du regne:

   Par Duc fertile à son grand Roy Bretaigne,

   Bisance à Cypres & Tunes insuspect.

   Au poinct du iour au second chant du coq,

   Ceux de Tunes, de Fez & de Begie,

   Par les Arabes captif le Roy Maroq,

   L'an mil six cens & sept, de Liturgie.

   Au chalmé Duc, en arrachant l'esponce,

   Voile Arabesque voir, subit descouverte:

   Tripolis Chio, & ceux de Trapesonce,

   Duc prins, Marnegro & la cité deserte.

   La crainte armee de l'ennemy Narbon,

   Effrayera si fort les Hesperiques:

   Parpignan vuide par l'aveugle de darbon,

   Lors Barcelon par mer donra les piques.

   Celuy qu'estoit bien avant dans le regne,

   Ayant chef rouge proche à la hierarchie,

   Aspre & cruel, & se fera tant craindre,

   Succedera à sacrée monarchie.

   Entre les deux monarques esloignez,

   Lorsque le Sol par Selin clair perdue,

   Simulté grande entre deux indignez,

   Qu'aux Isles & Sienne la liberté rendue.

   Dame en fureur par rage d'adultere,

   Viendra à son Prince coniurer non de dire:

   Mais bref cogneu sera le vitupere,

   Que seront mis dix sept à martyre.

   Le Prince hors de son terroir Celtique,

   Sera trahy, deceu par interprete:

   Roüan, Rochelle par ceux de l'Armorique

   Au port de Blaue deceus par moyen & prestre.

   Le grand tappis plié ne monstrera,

   Fors qu'à demy la pluspart de l'histoire:

   Chassé du regne loing aspre apparoistra,

   Qu'au faict bellique chacun le viendra croire.

   Trop tard tous deux les fleurs seront perduës,

   Contre la loy serpent ne voudra faire:

   Des Ligueurs forces par gallots confronduës,

   Savone, Albingue par monech grand martyre.

   La dame seule au regne demeuree,

   L'unic estaints premier au lict d'honneur,

   Sept ans sera de douleur explorée,

   Puis longue vie au regne par grand heur.

   On ne tiendra pache aucune arresté,

   Tous recevans iront par tromperie,

   De paix & tresve, terre & mer protesté,

   Par Barcelone classe prins d'industrie.

   Gris & bureau demie ouverte guerre,

   De nuict seront assaillis & pillez,

   Le bureau prins passera par la serre,

   Son temple ouvert, deux au plastre grillez.

   Au fondement de la nouvelle secte,

   Seront les os du grand Romain trouvez,

   Sepulchre en marbre apparoistra couverte,

   Terre trembler en Avril 1, mal enfoüez 2.

   Au grand Empire parviendra tout un autre

   Bonté distant plus de felicité:

   Regi par un issu non loing du peautre,

   Corruer regnes grande infelicité.

   Lors que soldats fureur seditieuse,

   Contre leur chef seront de nuict fer luire:

   Ennemy d'Albe soit par main furieuse,

   Lors vexer Rome, & principaux seduire.

   La pitié grande sera sans loing tarder,

   Ceux qui donnoient seront contraints de prendre:

   Nuds, affamez de froid, soif, soy bander,

   Les monts passer commettant grand esclandre.

   Au chef du monde le grand Chyren sera,

   Plus outre apres aymé, craint, redouté:

   Son bruit & lors les cieux surpassera,

   Et du seul tiltre victeur fort contenté.

   Quand on viendra le grand Roy parenter

   Avant qu'il ait du tout l'âme renduë:

   Celuy qui moins le viendra lamenter,

   Par Lyons, d'Aigles, croix, couronne venduë.

   Par fureur fainte d'esmotion divine,

   Sera la femme du grand fort violee:

   Iuges voulans damner telle doctrine.

   Victime au peuple ignorant immolee.

   En cité grande un moyne & artisan,

   Pres de la porte logez & aux murailles,

   Contre Moderne secret, cave disant,

   Trahis faire sous couleur d'espousailles.

   La déchassée au regne tournera,

   Ses ennemis toruvez des conjurez:

   Plus que jamais son temps triomphera,

   Trois et septante à mort trop assurez.

   Le grand pilot par Roy sera mandé,

   Laisser la classe pour plus haut lieu attaindre:

   Sept ans apres sera contrebandé,

   Barbare armee viendra Venise craindre.

   La cité antique d'antenoree forge,

   Plus ne pouvant le tyran supporter:

   Le manche fainct au temple couper gorge,

   Les siens le peuple à mort viendra bouter.

   Par la victoire du deceu fraudulente,

   Deux classes une, le revolte Germaine,

   Le chef meurtry & son fils dans la tente,

   Florence, Imole pourchassez dans Romaine.

   Crier victoire du grand Selin croissant,

   Par les Romains sera l'Aigle clamé,

   Ticcin, Milan & Gennes y consent,

   Puis par eux mesmes Basil grand reclamé.

   Pres de Tesin les habitans de Loyre,

   Garonne & Saone, Seine, Tain & Gironde,

   Outre les monts dresseront promontoire,

   Conflit donné, Pau granci, submergé onde.

   De Fez le regne parviendra à ceux d'Europe.

   Feu leur cité, & lame trenchera:

   Le grand d'Asie terre & mer à grand troupe,

   Que bleux, pers, croix, à mort de chassera.

   Pleurs, cris & plaints, hurlemens, effrayeur,

   Coeur inhumain, cruel, noir & transy:

   Leman, les Isles, de Gennes les maieurs,

   Sang espancher, frofaim, à nul mercy.

   Par les deserts de lieu libre & farouche,

   Viendra errer nepveu du grand Pontife:

   Assomé à sept avecques lourde souche,

   Par ceux qu'apres occuperont le Cyphe.

   Celuy qu'aura tat d'honneur & caresses

   A son entree de la Gaule Belgique,

   Un temps apres fera tant de rudesses,

   Et sera contre à la fleur tant bellique.

   Celuy qu'en Sparthe Claude ne peut régner,

   Il fera tant par voye seductive:

   Que du court, long, le fera araigner,

   Que contre Roy fera sa perspective.

   La grand'cité de Tharse par Gaulois

   Sera destruite, captifs tous à Turban:

   Secours par mer du grand Portugalois,

   Premier d'esté le iour du sacre Urban.

   Le grand Prelat un iour apres son songe

   Interpreté au rebours de son sens,

   De la Gascongne luy surviendra un monge

   Qui fera eslire le grand Prelat de Sens.

   L'Election faicte dans Francfort,

   N'aura nul lieu, Milan s'opposera:

   Le siens plus proche semblera si grand fort,

   Qu'autre le Rhin és mareschs cassera.

   Un regne grand demoura desolé,

   Aupres ade l'Hebro se seront assemblees:

   Monts Pyrenees le rendront consolé,

   Lors que dans May seront terres tremblees.

   Entre deux cymbes pieds & mains attachez,

   De miel face oingt, & de laict substanté:

   Guespes & mouches fitine amour fachez,

   Poccilateurs faucer, Cyphe tenté.

   L'honnissement puant abominable

   Apres le faict sera felicité:

   Grand excusé, pour n'estre favorable,

   Qu'à paix Neptune ne sera incité.

   Du conducteur de la guerre navale,

   Rouge effrené, severe, horrible grippe,

   Captif eschappé de l'aisné dans la baste:

   Quand il naistra du grand un fils Agrippe.

   Prince de beauté tant venuste,

   Au chef menee, le second faict trahy:

   La cité au glaive de poudre face aduste,

   Par trop grand meurtre le chef du Roy hay.

   Prelat avare d'ambition trompé

   Rien ne sera que trop viendra cuider:

   Ses messagers, & luy bien attrapé,

   Tout au rebours voir qui le bois fendroit.

   Un Roy iré sera aux sedifragues,

   Quand interdicts seront harnois de guerre:

   La poison tainte au succre par le fragues

   Par eaux meurtris, morts disant serre serre.

   Par detracteur calomnié à puis nay,

   Quand seront faicts enormes & martiaux:

   La moindre part dubieuse à l'aisnay,

   Et tost au regne seront faicts partiaux.

   Grande cité à soldats abandonnee,

   Onc n'y eut mortel tumult si proche:

   O quelle hideuse mortalité s'approche,

   Fors une offense n'y sera pardonnee.

   Cinq et quarante degrez ciel bruslera,

   Feu approcher de la grand'cité neuve:

   Instant grand flamme esparse sautera,

   Quand on voudra des Normans faire preuve.

   Ruyné aux Volsques de peur si fort terribles,

   Leur grand cité taincte, faict pestilent:

   Piller Sol, Lune, & violer leur temples:

   Et les deux fleuves rougir de sang coulant.

   L'ennemy docte se tournera confus,

   Grand camp malade, & de faict par embusches.

   Monts Pyrenées & Poenus luy seront faicts refus

   Proche du fleuve decouvrant antiques oruches.

   Legis cantio contrà ineptos criticos.

   Quid legent hosce versu, maturè censunto

   Profanum vulgus et inscium ne attrectato:

   Omnesque Astrologi Blenni, Barbari procul sunto

   Qui aliter facit, is rite sacer esto.